Mara Autonomous District Council inthlanpui vawi10-na chu 3 May, 2012 zing dar 7:00 AM atanga tlai dar 5:00 PM hian neih a ni dawn ta a. Representation of the People Act, 1951 section 126-na in a sawi ang leh Model Code of Conduct Para II (6) in a tarlan angin inthlan vote thlak tan theih hun chhung tawp atanga chhiar leta darkar 48 -1st May, 2012, tlai dar 5:00 PM hian he inthlanpui atana campaign theihna hun chu a tawp ang. 1st May, 2012 tlai dar 5:00 PM atanga 3rd May, 2012 tlai dar 5:00 PM chhung hian mi tumahin a hnuaia tarlan te hi an ti tur a ni lo:-
1) Inthlan kaihhnawih thila vantlang inkhawm leh kawngzawh buatsaih. kawngzawh leh vantlang inkhawma tel leh thusawi; 2) Mipui hnena inthlan kaihhnawih thil Cinema, TV leh hetiang lam hmanraw hmanga tihchhuah/entir; 3) Inthlan kaihhnawih thu thehdarh nana Musical Concert leh mipui vantlang hip khawm thei tur intihhlimna lampang chi reng reng buatsaih; 4) Opinion poll/exit poll tih chhuah emaw puanzar; 5) Bulk SMS hmanga campaign.
Heng bakah hian campaign hun chhung a tawp veleh candidate te tana campaigner-te, election agent-te huam lovin, an campaign-na huam chhunga vote nei lo te chuan campaign-na hmun an chhuahsan vek tur a ni.
