Education Minister, Pu Lalsawtan vawiin khan a Department chan SSA , District Project Office, Aizawl District Institute of  Education & Training leh Mizoram Women Polytechnic, Durtlang te a tlawh.

Heng Institution hrang hrang leh Office a tlawhna ah hian Education Minister Pu Lalsawta chuan thawktu te hnenah thusawiin kan ramah Education system kalphung a tlakhniam avangin siamthat tur tam tak a awm mek a, heng hi hriain Mizoram sorkar chuan Education Reform Commission a din fel tawha, tunah hian hnathawk thei tura ruahman mek a ni a ti. Pu Sawta chuan naupang zirna hi nu leh pa zawng zawngten kan sum dahkhawlna investment thaber a ni a, chuvang chuan mirethei leh hausaten nei zawng zawng kan sen ngamna a ni. Amaherawhchu Mizoram ah sorkar sikul te a tlakhniam em avangin Private-ah awm thei deuh ten min tlansan zela, chumiin a a hrin tur chu mirethei leh hausa inkar a tizau thuai dawn a ni. Chuvang chuan hemi siamtha tur hian Education Department-ah hnathawktu zawng zawngte leh mipui tangrualin kan siamtha dawn a ni a ti.

Pu Lalsawta hian vawiin a a Department chanpualte a tlawhna ah hian an harsatna hrang hrangte chipchiar takin a enpuia, thawktu te pawhin an harsatna hrang hrangte a hnenah an lo thlen bawk a ni. Women Polytechnic a tlawhna ah hian Bialtu MLA leh Mizoram Legislative Assembly Speaker, Pu R. Romawian a  tawiawm a. Additional Secretary Pu Lalhmingliana, MCS leh Officer engemaw zatin an tawiawm bawk a ni.