Vawiin chawhma dar 10:30 khan I & PR Conference Hall-ah Mizoram Institute of Entrepreneurship Development & Research (MIEDR) buatsaihin Inter-College Business Plan Contest neiha lawmman late hnenah Pu S. Hiato, Minister of Industries etc. chuan khuallian niin lawmman a sem.
Kalkhawmte hnena thu sawiin Pu Hiato chuan Mizo thalaite chu mahni ke a ding thei turin tanla se a duh thu sawiin amah ngei pawh B.A. a pass hnu chuan a nu leh pa te tibuai lovin eizawn dan a dap chawp thin tih a sawi. Pu Hiato chuan, “Khawvel thang zelah hmasawnna nasa takin mi an thang chho va, chemtum nen ngawt a eizawn tum chu a harsa tawh, Mizoram sa ei tamna ramah hian ranvulhte a hlawhtlin theih em em a, Industries tenau deuh hmang pawhin eizawn theih a ni, in thluak hmang ulukin, ruihtheih thil lakah inveng ang che u, taimakna leh chhelna nen tan la ang u” a ti.
MIEDR buatsaih contest ‘Chhawrtlak thiamna’ ah hian College thlan bik, Govt. Aizawl College, Govt. Hrangbana College, Pachhunga University College leh ICFAI University, Mizoram te chauh an tel a ni, chunga ti tha pakhatna chu Stationery Items Manufacturing Unit ah Lalnunpuia, Govt. Aizawl College; Pahnihna Pigery Farm ah Lalrinsanga, Emanuel leh Lalnunpuii, The Wonders Team, Govt. Hrangbana College te niin; Pathumna chu Bamboo Agarbati Sticks ah Robinson Lalramzauva, Zorin L. Ralte leh Lalramnghaka Ralte, RZL Super Team, Govt. Hrangbana College te an ni. Consolation prize chu Boarding School-ah Fanai J.M., Govt. Hrangbana College, F. Malsawmtluanga, Jane Lalruatsangi leh Lalbiakhlui te niin, Commercial Cultivation of Oyster Mushroom tih ah Govt. Hrangbana College tho Eva Agency Team ami Lalhmangaihhlua, Lalnunmawii Chhakchhuak ten lawmman an dawng a, Quality Timbers ah ICFAI University Mizoram ami C. Lalrinmawia, Lalremruata leh Francis V. Khawngaihdawnga ten lawmman an dawng bawk.
MIEDR hi kum 2005 khan tuna member-te inhmukhawm hian an din, Society Registration chu May ni 14, 2007 ah neih a ni. Mizo thalaite tlakchham em em, mahni ke a din tumna kawng hrang hrangah hmalakna an nei thin a, tuna contest an buatsaih pawh hi Mizoram Industries department hnuaia Entrepreneurship Development Cell (EDP) thlawpna a an neih niin Industries Department sponsored a ni.
Vawiin inkhawm hi Tv. Rinzuala, Chairman, MIEDR chuan a kaihruai a, Industries Director pawhin kalkhawmte lawmna thu a sawi bawk. Chawhnu lamah hun an hmang zawm a ni.
MIEDR buatsaih contest ‘Chhawrtlak thiamna’ ah hian College thlan bik, Govt. Aizawl College, Govt. Hrangbana College, Pachhunga University College leh ICFAI University, Mizoram te chauh an tel a ni, chunga ti tha pakhatna chu Stationery Items Manufacturing Unit ah Lalnunpuia, Govt. Aizawl College; Pahnihna Pigery Farm ah Lalrinsanga, Emanuel leh Lalnunpuii, The Wonders Team, Govt. Hrangbana College te niin; Pathumna chu Bamboo Agarbati Sticks ah Robinson Lalramzauva, Zorin L. Ralte leh Lalramnghaka Ralte, RZL Super Team, Govt. Hrangbana College te an ni. Consolation prize chu Boarding School-ah Fanai J.M., Govt. Hrangbana College, F. Malsawmtluanga, Jane Lalruatsangi leh Lalbiakhlui te niin, Commercial Cultivation of Oyster Mushroom tih ah Govt. Hrangbana College tho Eva Agency Team ami Lalhmangaihhlua, Lalnunmawii Chhakchhuak ten lawmman an dawng a, Quality Timbers ah ICFAI University Mizoram ami C. Lalrinmawia, Lalremruata leh Francis V. Khawngaihdawnga ten lawmman an dawng bawk.
MIEDR hi kum 2005 khan tuna member-te inhmukhawm hian an din, Society Registration chu May ni 14, 2007 ah neih a ni. Mizo thalaite tlakchham em em, mahni ke a din tumna kawng hrang hrangah hmalakna an nei thin a, tuna contest an buatsaih pawh hi Mizoram Industries department hnuaia Entrepreneurship Development Cell (EDP) thlawpna a an neih niin Industries Department sponsored a ni.
Vawiin inkhawm hi Tv. Rinzuala, Chairman, MIEDR chuan a kaihruai a, Industries Director pawhin kalkhawmte lawmna thu a sawi bawk. Chawhnu lamah hun an hmang zawm a ni.
