Vawiin chawhnu dar 1:00 khan Higher and Technical Institute, Mizoram ( HATIM ) Chanmari Veng Lunglei ah Graduation Day zirlai Graduate te tan a buatsaih a ni. He hun ah hian Pu Lalsawta, Education Minister chu Khuallian niin HATIM Principal Dr. Chawngthanpari’n Graduation Day Celebration Programme hi a kaihruai a ni.

Minister chuan HATIM ang zirna hmun quality sang tak Mizoram Baptist kohhran in a kalpui mek chu Mizoram sawrkar in tha a tih thu leh a thlawp tlat thu a sawi a. Kum zabi 21 hnulam ah chuan zirna hmun leh zirdan kalhmang pawh a danglam nasa em em tawh a, Mizoram bik ah pawh zirna hmun tam tak atangin zirlai tam tak an lo chhuak tawh a. Mahse, Graduate tam zawkte chu chhawr tlak lo leh thiamna fumfe an zirna atang a rawn puak chhuah loh avang in hna nei lovin an awm a ni a ti. Mizo zirlai te tan a chona lian ber chu khawvel hmun changkang ber ber a hna thawk thei tur a thiamna belhchian dawl neih a nih thu a sawi a ni.

Report a tarlan dan in HATIM College hian kawmzawl, Lunglei ah College siam turin hma a la mek a, Tun dinhmun ah he College ah hian Bachelor Of Computer Application (BCA), Bachelor Of Commerce (B.Com) Bachelor Of Social Work (BSW) te bak ah Bachelor Of Arts ( English Honour ) zirna te kalpui mek a ni.

Education Minister hi Pu Joseph Lalhimpuia Vice Chairman HPC Lunglei chuan a tawiawm bawk a ni.