4323/2024-2025

Dated AIzawl: the 18 February 2025: Vawiin chawhma dar 10:30 khan Higher & Technical Education Minister Dr. Vanlalthlana chuan IASC kum 50 tlin champhaphak lawmna (Golden Jubilee) pualin IASE hnuaia Digital Content Creation Centre leh Digital Library-te a hawng.

Hawnna puala inkhawm tawi neihah khuallian Minister Dr. Vanlalthlana chuan thusawiin, IASE-in kum 50 hmel a hmu thei chu a lawmpui hle tih a sawi a. Thawktute leh hruaitute thawhrimna chu chhuanawm hle a a hriat thu tarlangin, Sawrkar pawhin IASE chu theitawpa chhawmdawl zel a tum tih a sawi a. ram leh hnam siam that kawnga a thawhhlawk thei ber zing a mi Zirtirtute chher chuahna hmun a nih angin IASE chu zirna in pawimawh tak a ni tih sawiin, IASE a zirlaite chu Zirtirtu an nih hunah pawh Zirlaite tana entawn tlak leh ngaihsanawm tak nih tum tur te, an zirlaite thinlungah thil chik peihna (critical thinking) tuh tum thin tur tea chahin, Ram leh hnam siam thatna kawnga Sawrkar chu theihtawpa thawhopui zel turin a sawm nghal bawk a ni.

Hawnna pual inkhawm hi Pu H. Lalengmawia IAS, Commissioner & Secretary, Department of Higher & Technical Education chuan kaihruaiin thutawi a sawi a. Prof, Lallianzuali Fanai, Principal, IASE chuan kalkhawmte lo lawmna thu sawiin,  IASE chanchin Report ngaihthlak chhunzawm nghal a ni a. Pu Ht. Malsawmtluanga, Organising Committee-in technical report  a pek hnuin IASE a lo thawk tawh thinte chawimawina hun (felicitation programme) a hmang nghal a. Pu Vanlalfana, Chairman, Jubilee Organising COmmittee-in lawmthu sawiin hun hman hi a khar a ni.