Pu Lalsawta, Education Minister chuan World Day against Child Labour khawvel puma naupang kum tlinglo hnathawh do na ni den chhen a Right to Free and Compulsory Education Act 2009 chungchang zirhona Mizoram State Legal Services Authority leh Centre for Peace and Development te buatsaih I&PR Auditorium a neih chu vawiin khan a hmanpui.
Pu Lalsawta chuan mirethei te dinhmun chawi kang tur chuan zirna hi hmanraw tangkai tak a nih thu sawiin naupangte zirna pek hian khawvel an dahchhuah theihna tur remchang a siamsak a ni a ti a. A zavaiin nuai bo thei lo mahse zirna hian hausa leh rethei inkar zau tawh tak thui takin a ti ziaawm thei a ni a ti. State dang ang a buaina sut kian hleihtheihloh nei ve lo Mizoram hian thahnemngai a tangrual a kan beih chuan North East mai ni lo India rama ber kai kan nih theih thu sawiin Seminar chu hlawhtling tlak leh hlawhtling ngei tura a duhsak thu a sawi a ni.
He Seminar Pu P.B. Lalrammawia, Aizawl Post Jt. Editor kaihhruaiah hian Pi Marli Vankung, Member Secretary, Mizoram State Legal Services Authority pawhin thusawi na hun a hmang a. Chawhnu lamah mithiam sawm bik te thusawi ngaihthlak leh sawiho na hun hman a ni.
He Seminar Pu P.B. Lalrammawia, Aizawl Post Jt. Editor kaihhruaiah hian Pi Marli Vankung, Member Secretary, Mizoram State Legal Services Authority pawhin thusawi na hun a hmang a. Chawhnu lamah mithiam sawm bik te thusawi ngaihthlak leh sawiho na hun hman a ni.
