Nimin khan Mamit District a W. Serzawl khua Community Hall sak thar chu Pu John Rotluangliana, Dy. Speaker bialtu MLA ni bawk chuan khuallian niin a hawng a, Pu C. Lalpeksanga, Project Director, DRDA, Mamit chu khualzahawm a ni.
Pu JohnRotluangliana chuan thusawiin Pu Lal Thanhawla kaihhruaina hnuaiah Mizoram sorkar chuan kum khat leh a chanve chhungin ram hmasawnna atan nasa takin hma an la hman a ni tih a sawi a, a bialchhung bikah pawh khaw awm zawng zawng 28 ah sorkar hmalakna hmuh tur a awm kim vek tawh thu leh hmachhawp tam tak a awm a ni a ti a. A bialchhunga khawtlang hruaitu leh bial mipuite chu office a an kalin mahni mimal mamawh leh midangte hekna thu aia khawtlang hmasawnna thil sawi thin turin a chah a, khawtlang hruaitute chu sorkar department hrang hrang hnuaia khawtlang hmasawnna hnathawh tur awmte dapchhuak taima turin a fuih bawk a ni.
NLUP sorkar-in a duh anga a sem hma theih lohna chhan sawiin, sorkar-in a hlawhtlin loh a hlauh em avanga enfel ngai leh siam rem ngaite a la awm vanga la sem lo mai a ni a ti a. A bialchhung mipuite chu NLUP hlawhtlin pui ngei turin a fuih a, mi tam takin an hlawhtlin pui dawn avangin ti tha peih lo va hlawhchhamte chuan a pawizia an hria ang a, an la inchhir ngei ang a ti. Hei lo hi chu nawlpui huap a dinhmun chhe zawka dingte khaichhuahna policy hi a awm zen zen a rin tawh loh thu a sawi.
Community Hall thar hi a len zawng 72'x30' a ni a, a sakna atan hian RD hnuaia Social Education Scheme atanga Rs. 5,00,000/- an hmuh bakah khawtlang tha tam tak sen a ni a. Hemi pual hian Hall tharah vantlang inkhawm neih zui a ni a bawk.
NLUP sorkar-in a duh anga a sem hma theih lohna chhan sawiin, sorkar-in a hlawhtlin loh a hlauh em avanga enfel ngai leh siam rem ngaite a la awm vanga la sem lo mai a ni a ti a. A bialchhung mipuite chu NLUP hlawhtlin pui ngei turin a fuih a, mi tam takin an hlawhtlin pui dawn avangin ti tha peih lo va hlawhchhamte chuan a pawizia an hria ang a, an la inchhir ngei ang a ti. Hei lo hi chu nawlpui huap a dinhmun chhe zawka dingte khaichhuahna policy hi a awm zen zen a rin tawh loh thu a sawi.
Community Hall thar hi a len zawng 72'x30' a ni a, a sakna atan hian RD hnuaia Social Education Scheme atanga Rs. 5,00,000/- an hmuh bakah khawtlang tha tam tak sen a ni a. Hemi pual hian Hall tharah vantlang inkhawm neih zui a ni a bawk.
