Inrinni ( 12th June)-a  Mizoram Open Badminton Championship 2010 (Chief Minister's running trophy) kharna inkhawm  Serchhip Town Hall-a  neihah,   Sports Minister Zodintluanga chu khuallian niin hun a hmanpui.

Pu  Zodintluanga chuan sawrkarin Mizoram thalaite games & sports-a talent an neih thatzia hre rengin,naupantet atanga chhawmdawlna leh kaihruaina tha an dawn thei nan 'catch them young'  programme a kalpui  mek anih tawh thu a sawi a. Sports infrastructures leh facilities tha  kan nei ve thei nan  sawrkar chuan  theitawp a chhuah mek zel a ni,a ti.

Minister  chuan  infiammite chu zuk-hmuam leh ruitheih laka fihlim a, midang tana entawn tlak nunze mawi nei turin a chah hlawm a, an thiltih apianga rinawmna,taimakna leh tumruhna nen an tih chuan an hlawhtlinna leh hmingthatna chuan Mizoram leh India mai pawh nilovin,  khawvel a deng chhuak dawn a ni,  a ti.  Thangtharte khawvelah chuan games & sports chu infiamna leh intihlimna mai ni tawh lovin, eizawnna chenfakawm tak a ni thu  Pu Zodintluanga chuan sawiin, eizawn nana hmang ve  thei ngei tura  tan la  zual sauh sauh turin thalai infiammi te chu a fuih .

Lawman semna hun hman hma hian friendly Men's doubles match-ah Minister leh a kawppui chu khel vein, an chak nghe nghe a ni.

 Chairman Organising Committee, Pu Vanlalsawma'n kaihruai kharna inkhawmah hian, Pu H.Darzika; Serchhip DC, Pu Lianzuala; Secretary MSSC, Sports & Youth Services officer te leh Serchhip-a department hrang hranga officer te thahnem tak an tel.

He Mizoram Open Badminton Championship 2010 Tournament-ah hian mipa 79 leh hmeichhia 20 an tel a, match khel zawng zawng chu match 106 a ni. Category hrang hranga lawmman latute chu a hnuaia mi te hi an ni:

CATEGORY                                          WINNER
                                 
Men's single                               Lalnunpuia (MPBC)
Women's single                      Lalrinzuali (MPBC)
Men's Doubles                       Lalthanliana & Lalnunmawia (MPBC)
Women's Doubles                   Lalduhzuali & F. Vanlalhriatpuii (MPBC)
Under 16 Boys                        Laltleipuia (HBC)
Under 16 Girls                         Ruth Vanlalpeki (KDBA)  
Under 19 Boys                        Laltanpuia (SDBA)
Under 19 Girls                          F. Vanlalhriatpuii (MPBC)
50 Plus (Doubles)                     Lalaramzauva & Sangliana Hnamte
45 plus (Doubles)                Lalrinkima & Zabiakthanga (TTBC)
45 plus (Single)                         Lalhmingmawia (LDBA)
35 Plus (Single)                        Lalbiakmawia (MPBC)
35 Plus (Doubles)                     Lalbiakmawia & Lalthanzuala (MPBC)