Mizoram University a Economics Department leh UNCTAD-DFIR Government of India tangrual a India rampum huap University leh College zirtirtu leh Research Scholar te tana buatsaih Trade Issues and Application of Econometric Tools Training ni 15 awh tur chu vawiin khan Education Minister Pu Lalsawtan a hawng.
He hawnna inkhawm tawite Mizoram University Conference Hall a buatsaih hi Prof.Lianzela, Dean, SEMIS & Project Co-ordinator, UNCTAD India Programme, in a kaihruai a; inlawmna thu sawiin hna tul tak kara Education Minister Pu Lalsawtan Training Programme hawnna hun a hmanpui thei chu lawmawm a ti a. India ram state dang a tanga he training chhim tura lo kalte lawmin thahnemngai leh tangkai taka training programme hmang turin a sawm nghal bawk.
Khuallian Pu Lalsawta chuan hawnna thu tawite sawiin Mizoram University zirlaite leh state pawn University atanga thalai rual lehkhathiam thahnem takin kan ram leh hnam tana tangkai tak tur subject pawimawh tak training an nei tur hi lawmawm a ti a. A buatsaihtu Mizoram University, Economics Department leh UNCTAD te hnenah lawmthu a sawi a. He training programme pawimawh taka subject te hi taima taka zirho turin chhimtu zawng zawng te a sawm a. Prof.A.N.Rai, Vice Chancellor leh Mizoram University a thawktu zawng zawngte hmalakna fakin hun reilote a University changtlung tak kan nei hi an thawhrimna rah liau liau a ni a ti. Mizoram University a Economics Department a zirtirtuten Mizoram tan ngaihtuahna senga thurawn tha tak tak an thawh thin avangin lawmthu a hrilh hlawm bawk.
Training workshop subject tlangpui tarlangin Dr Vanlalchhawna chu he workshop ah hian khawvel pumhuap insumdawnnain mipui nun kawng peng hrang hrang a anghawng dan chung changte an zirho a ni dawn a. Hei hian WTO peng hrang hranga in rawnkhawm naah India ram tan tlawhchhan remchang tam tak a hringchhuak thei tura beisei a ni a. India ram hmun hrang hrang atangin hetiang lam mithiam bik nei ten an hmanpui ang a ti.He training programme hian May 12 atangin 26 thleng a awh dawn a ni.
UNCTAD India Programme hnuaiah Mizoram University hian kalphung pangngai bakah hmathar pawimawh tak tak a kalpui thin a. Nikum ah pawh khan Globalisation chung chang zirhona Summer School te, Econometric Soltware chung chang training te, Inter national Seminar te a lo huaihawt tawh a ni
Mizoram University, Economics Department a Head of Department Prof. T.C.Nungan lawmthu sawiin hawnna programme hi khar a ni.
Khuallian Pu Lalsawta chuan hawnna thu tawite sawiin Mizoram University zirlaite leh state pawn University atanga thalai rual lehkhathiam thahnem takin kan ram leh hnam tana tangkai tak tur subject pawimawh tak training an nei tur hi lawmawm a ti a. A buatsaihtu Mizoram University, Economics Department leh UNCTAD te hnenah lawmthu a sawi a. He training programme pawimawh taka subject te hi taima taka zirho turin chhimtu zawng zawng te a sawm a. Prof.A.N.Rai, Vice Chancellor leh Mizoram University a thawktu zawng zawngte hmalakna fakin hun reilote a University changtlung tak kan nei hi an thawhrimna rah liau liau a ni a ti. Mizoram University a Economics Department a zirtirtuten Mizoram tan ngaihtuahna senga thurawn tha tak tak an thawh thin avangin lawmthu a hrilh hlawm bawk.
Training workshop subject tlangpui tarlangin Dr Vanlalchhawna chu he workshop ah hian khawvel pumhuap insumdawnnain mipui nun kawng peng hrang hrang a anghawng dan chung changte an zirho a ni dawn a. Hei hian WTO peng hrang hranga in rawnkhawm naah India ram tan tlawhchhan remchang tam tak a hringchhuak thei tura beisei a ni a. India ram hmun hrang hrang atangin hetiang lam mithiam bik nei ten an hmanpui ang a ti.He training programme hian May 12 atangin 26 thleng a awh dawn a ni.
UNCTAD India Programme hnuaiah Mizoram University hian kalphung pangngai bakah hmathar pawimawh tak tak a kalpui thin a. Nikum ah pawh khan Globalisation chung chang zirhona Summer School te, Econometric Soltware chung chang training te, Inter national Seminar te a lo huaihawt tawh a ni
Mizoram University, Economics Department a Head of Department Prof. T.C.Nungan lawmthu sawiin hawnna programme hi khar a ni.
