I & PR Department chuan vawiin khan an mahni Auditorium-ah tuna an Director kaihhruaina hnuaia kum khat an tlin pualin intuaitharna hun leh staff meeting an nei.
Department Joint Director Pi Lalnithangi kaihhruaiah hian Director Pu Jim K. Chozah chuan Director dinhmun a chelh atanga kum khat chhunga a thawhpuite nen thawhhona tha tak an neih chungchangah lawmthu a sawi a. He kum khat kalta chhunga Department hmalakna hrang hrang tarlangin hmachhawp engemaw zat an neihte pawh Department a thawktute nen pheikhai rual taka an thawhho chhunzawm zelin hlawhtlinna a thlen thei dawn a ni tiin thawhhona tha tak nei zui turin a fuih a ni. Department Officers dangte pawhin infuihna thu an sawi hlawm a, Mizoram Information Service Association hmalakna leh hmachhawp mek neihte pawh tarlan niin Department chhunga chhiatni thatni intawiawm dan tul dangte pawh huamzau taka sawi ho a ni.
Kum khat kalta chhung hian he Department hian hmalak engemaw zat a nei a. VIP programme tawiawm chungchangah te, sorkar ni pawimawh bik Republic Day leh Independence Day ah te an chanvo tha takin an hlen chhuak a; VVIP Pi Sonia Gandhi lo zin tumah te, Union Home Minister leh Information Technology Minister Mizoram lo zinah te khan an tih tur tha takin an hlenchhuak thei a. Commonwealth Games Queen's Baton Relay ah pawh khan Organising Committee in mawhphurhna a pek chu felfai takin an hlenchhuak thei bawk. Tunah hian Serchhip IPRO Office chu Officer leh thawktu dangte nen hawn theih mai tura peihfel ni tawhin hun remchangah hawn tum a ni nghe nghe a. Lawngtlai I PRO Ofice pawh hun reilote chhungah hna thawk thei tura beisei a ni. Koalsib leh Mamit-a IPRO Office building thar sakna turin thui tak hmalak a ni tawh a hna tan thuai thei turin Department chu a in puahchah mek a ni. He kum kalta chhung hian Mizoram Information Service Junior Grade 6 laiin Department-ah hna an zawm thar ta bawk.
An thawhpui Chanchinbumite nena thawhhona tha tak an neih bakah Journalists te hamthatna tura thil pawimawh tak Mizoram Journalists Welfare Society din fel niin Journalists Welfare Fund Rules pawh hman theih tura chhawpchhuah mek a ni bawk a. February 2010 khan Mizoram chanchinbumi 9 lai te chu he Department bultum hian Sikkim khawpui Gangtok leh hmun thenkhat dang fanpui an ni a. Mizoram chhunga hmasawnna hrang hrang a hmunah chanchinbumite hi hruaia thil awm dan enpuina Department hian a ruahman thin nghe nghe.
Sorkar hmachhawp lian ber NLUP kalpui mekah Department hian a mawhphurhna chanvote chu a thawk chhunzawm reng a. Hun hmasa lama NLUP lo hlawhtlinpui tawhte dinhmun zawng chhuakin tunah hian Documentary saptawng leh Zotawnga a buatsaih chu mipui hmuha pholan theih turin a peihfel tawh a ni.
Kum khat kalta chhung hian he Department hian hmalak engemaw zat a nei a. VIP programme tawiawm chungchangah te, sorkar ni pawimawh bik Republic Day leh Independence Day ah te an chanvo tha takin an hlen chhuak a; VVIP Pi Sonia Gandhi lo zin tumah te, Union Home Minister leh Information Technology Minister Mizoram lo zinah te khan an tih tur tha takin an hlenchhuak thei a. Commonwealth Games Queen's Baton Relay ah pawh khan Organising Committee in mawhphurhna a pek chu felfai takin an hlenchhuak thei bawk. Tunah hian Serchhip IPRO Office chu Officer leh thawktu dangte nen hawn theih mai tura peihfel ni tawhin hun remchangah hawn tum a ni nghe nghe a. Lawngtlai I PRO Ofice pawh hun reilote chhungah hna thawk thei tura beisei a ni. Koalsib leh Mamit-a IPRO Office building thar sakna turin thui tak hmalak a ni tawh a hna tan thuai thei turin Department chu a in puahchah mek a ni. He kum kalta chhung hian Mizoram Information Service Junior Grade 6 laiin Department-ah hna an zawm thar ta bawk.
An thawhpui Chanchinbumite nena thawhhona tha tak an neih bakah Journalists te hamthatna tura thil pawimawh tak Mizoram Journalists Welfare Society din fel niin Journalists Welfare Fund Rules pawh hman theih tura chhawpchhuah mek a ni bawk a. February 2010 khan Mizoram chanchinbumi 9 lai te chu he Department bultum hian Sikkim khawpui Gangtok leh hmun thenkhat dang fanpui an ni a. Mizoram chhunga hmasawnna hrang hrang a hmunah chanchinbumite hi hruaia thil awm dan enpuina Department hian a ruahman thin nghe nghe.
Sorkar hmachhawp lian ber NLUP kalpui mekah Department hian a mawhphurhna chanvote chu a thawk chhunzawm reng a. Hun hmasa lama NLUP lo hlawhtlinpui tawhte dinhmun zawng chhuakin tunah hian Documentary saptawng leh Zotawnga a buatsaih chu mipui hmuha pholan theih turin a peihfel tawh a ni.
