School Education Minister Pu H. Rohluna chuan Zirtawpni khan Kawlbem Community Hall cheng 44,50000 senga sak a hawng.

Community hall hi BADO, NEDP, State matching share leh MLA fund hmanga sak a ni a. He hall-ah hian Table tennis leh badminton khelhna hmanrua dah nghal a ni.  Minister chuan hall hi tangkai taka hmang turin a chah a, thalaite ruihhlo leh zuk leh hmuam lama insum a, Zoram mai nilovin khawvel hriat khawpa infiamna lama tan la turin a fuih a. Taima tak leh tum ruhna nena tan la a, hna zawnna atan pawha hmang turin a chah bawk. 
      
School Education Minister Pu H.Rohkuna chuan ni 22nd September 2018 (Inrinni) khan a bial chhunga YMA branch tin hnenah oxygen bur 3 theuh a sem bawk.
YMA branch tina oxygen bur a semte hi a enkawltuten uluk taka zirchianga, eng hunah pawh a mamawhte hnena hmantir thei tura inbuatsaih a pawimawh a tih thu a sawi bawk. A enkawlna hna hi Branch YMA hruaitute kutah a awm a ni. Minister chuan oxygen hman ngailo a hriselna an neih a duhsak rualin Emergency-ah a mamawhtuten khawpui pan kher ngailo a, khawtinin an lo neih chuan harsatna tam tak a sutkian a beisei thu a sawi a, a hman dan leh enkawl dan (demonstration) pawh Fairland Medical Staff Nurse ten uluk takin an neihpui bawk a ni.

Attachment

  • Loading attachment...