Mizo Zirlai Pawl Headquarters, Serchhip chuan vawiin chawhma dar 11 khan Serchhip-a zirlai HSLC/HSSLC Examination 2012 ti tha te chawimawina hun Lal Thanhawla Higher Secondary School, New Serchhip-ah an hmang a. Education Minister Pu Lalsawta chu Khuallian niin a hmanpui.

Khuallian Pu Sawta chuan zirlaite, zirtirtute leh nu leh pa te tan tlanna avang chauh a result duhawm tak hi neih theih anih thu sawiin MZP Headquarters, Serchhip in zirna chawisan na atana hunt ha an buatsaih chu lawmawm a tih thu a sawi bawk a, zirlaite chu zirna kawngah a kakpui an thleng ta tih hrilhin, rilru fim tak pu chung leh nungchang mawi leh dik nen a an hmalam hun tur uluk taka ngaihtuah turin a chah a, zirlai hlawhtling, lehkhathiam vanga chawimawi te chu an nunah chawimawi tlak nungchang hmuh tur awm tel ngei se a duh thu a sawi bawk.

Minister chuan kum 2013 atang chuan Professional/Technical Entrance exam zawng zawng combine anih tawh dawn thu leh, HSSLC a an mark hmuh atanga 40% chu he combined exam ah hian telh anih dawn tawh thu a sawi a, zirlaite pawh kum tir atanga inthlahdah lova tan a ngaih thu leh hetianga kalphung thar a awm dawn tak avanga sawrkar pawhin zirlaite talbuai loh na tur a hma a lak mek thu a sawi bawk. MZP/MSU ten Education hmasawnna an duh avanga Department khalh ngil tuma theihtawp an chhuah thinna chu lawmawm a tih thu leh Department pawh ti tang nasa lehzual tu ani tih sawiin, engemaw ngaihdan inanglo deuh a awm chang pawh a dawhkan kil a inbiak tawnna neih hmasak zel tha a tih thu a sawi bawk.

District Bawrhsap Pu P.Lalchhuanga pawhin chawimawi tlak ni tura hlawhtlinna dawng tur hian Pathian malsawmna leh mimal thawhrimna a pawimawh a ni a ti a, Serchhip chawimawi tu an nihna chu tun huna tawp mail ova, zirna sang zawk leh hlawhtlinna nasa zawk nena Serchhip chawimawi zel turin zirlaite chu a chah a, ngaihtuahna leh thluakfim tibuai thei laka fihlim turin a chah bawk a ni.

Vawiina zirlai chawimawite hi Serchhip Town Area a HSLC leh HSSLC Examination 2012 a tithe zualte an ni a, HSLC ah hian Distinction a passed mi 18 chawimawi an ni a, HSSLC ah hian First Division a passed chin mi 29, an vain zirlai 47 chawimawina thuziak hlan an ni.

Vawiin zirlai titha chawimawina inkhawm hi Lalramnghaka Kawlni, Vice President, MZP Headquarters, Serchhip in a kaihruaia, MZP Headquarters Serchhip President Laldinpuia’n welcome speech sawiin, T.Biakchamliana, Secretary, MZP Headquarters Serchhip in report a pe a, Serchhip khawchhunga High Schhol leh Higher School naupangte an tel tha hle a ni.