Pu Lalsawta Education Minister chuan Dt 4th June 2013 khan Zawlnuam Welfare Committee, Aizawl in Zawlnuam huamchhunga HSLC leh HSSLC pass tharte chawimawina hun Zawlnuam Vengpui Community Hall-a buatsaih hmanpuiiin zirlai titha te hnenah lawmpuina thu ziak a hlan.

Hemi puala inkhawm Pu Lalnundika, BDO kaihhruaiah Pu Lalsawta Minister chuan thusawiin thiamna tak tak tel lo chuan mi hmantlak anih theih lo a ni a ti a, abikin tawng kan zir-English leh Hindi te zahpui lova hmang ngam zel turin zirlai kalkhawmte a chah bawk.

Minister chuan zirna hi khawvela ber kan nih theihna kawng awm chhun a ni tiin hemi kawngah hian zirlaite beihna piah lamah nu leh pate pawhin theihtawp kan chhuah a kan fate tan hun tha kan siam sak a tul a ni a ti bawk.

Zirlai titha an chawimawi te hi HSLC -ah 20 leh HSSLC-ah mi 4 niin hemi rual hian Zawlnuam khua mi hmingthate pahnih Pi Lalengkimi, MHIP General Secretary leh Lalchhuanliana Naupang huaisen Jeevan Raksha Padak dawngtute hnenah chawimawina thuziak a hlan bawk a ni.

Pu Lalsawta Education Minister hian Dt 5.6.2013 hian Government High School Kawrthah khua a High School leh Higher Seceondary Sechool-a zirtirtu leh zirlai naupangte kawmna hun hmangin zirlai te hlawhtling tur leh hman tlak ni ngei tura tan la turin a chah bawk a ni.

Pu Lalsawta, Education Minister hi Pu J.H Biakmawia, Joint Director School Education, Pu Lalrammawia Kawlni DEO, Mamit, Pu Mickey Lalenkawla SDEO, Mamit, Pu V. Lalsiamthara Addl. SPD, SSA te, Education Department a officers te bakah party hruaitute ten an tawiawm a ni.