Extension Education Institute (EEI), North East Region, Assam Agriculture University, Jorhat leh Mizoram Agricultural Management & Extension Training Institute (MAMETI), Directorate of Agriculture tangkawp chuan Agricultural Management Technology Agency (ATMA) Deputy Project Director, Block Technology Manager te bakah Agriculture leh Allied Department - AH & Vety, Horticulture, Fishery, Sericulture, Soil & Water Conservation leh KVK a thawktute tan ni li (4) awh tur training an buatsaih chu vawiin ni 19.01.2016 khan Dr. C. Lalzarliana, State Nodal Officer, ATMA & Director of Agriculture (Crop Husbandry) chuan Agriculture Committee Room, Directorate of Agriculture ah a hawng.

Training hawngtu Dr. C. Lalzarliana chuan State Department ten hnathawktute tana training duh anga tam a buatsaih theihloh laia, EEI lam ten an rawn buatsaih thei chu lawmawm a tih thu sawiin hetiang ang training tam zawk rawn buatsaih thei zel turin a sawm a, Agriculture leh Line Department hrang hrangte chu thawkho vek tur kan nih thu leh chumi atan chuan Agricultural Technology Management Agency (ATMA) chu platform tha tak a nih thu a sawi bawk a ni. He training hi Dr. H. Saithantluanga, Director, MAMETI in a kaihruai a, Off-Campus Training neihpui tura Extension Education Institute, Jorhat atanga lokal Dr. S. Borua, Assistant Professor, EEI pawhin thu sawiin. Tunlai khawvel hmasawn zelah Media hrang hrangte chu Loneitute kan zirtir theihna leh inbiakpawh dan awlsam ber a nih thute, Sawrkar Laipui pawhin a ngaih pawimawh em em a nih thu a sawi bawk.

He Training Programme hi mi 30 tana buatsaih niin Training chhung hian EEI, Jorhat atanga mithiam lokalte chuan training thupui “Farm Journalism and Mass Media Production in Agricultural Extension” behchhanin Agriculture & Allied Department a thawktute’n chanchinbu leh media hrang hrang kaltlanga kan Loneitute huam zau zawk a an tanpui theih dan tur an zirtir a ni.