Vawiin chawhma dar 10 : 30 Am khan “Khaihra Memorial Hall” New Colony Siaha-ah Hmeichhe Naupang chu chhandamla venghim rawh “Beti Bachao Beti Padhao” tih thupui hmangin “Awareness Campaign cum Cultural Show” neih ani.

He Awareness Campaign cum Cultural Show hi Deputy Commissioner, Siaha District, Siaha buatsaih niin Pu N.Chakhai, Additional Deputy Commissioner, Siaha chuan a kaihruaia, Campaign neih anih chhan sawihawnna a neih hnu ah Khuallian Pu R.Zarzosanga, Deputy Commissioner chuan thu sawiin Naupang rualbanlo te chu endawng mai lova mi pangngai te anga en a pawimawh ani tiin India ram hmun thenkhatah hmeichhia leh mipa enhranna a awm thin avanga he programme hi buatsaih anih thu a sawi, Siaha District chhungah naupiang hlim thihna atam em avangin hemi ti reh tur hian State leh Central sawrkar Health Department buatsaih in nasa takin hmalak ani ati bawk. Zirlai naupangte kan khawtlang leh Society ah an pawimawh thu sawiin a pawimawh ber chu zirtirna “Awareness” a ni a ti.

Dr HTC Lalrinchhana, Chief Judicial Magistrate pawhin thu sawiin hmeichhia te hi mipa te aia chaklo zawk an nih avangin India ram danpui chuan a humhalh tlat a hmeichhiate laka hleilenna zawng zawng hi dan in a khap tlat a ni ati a. Hetiang hleilenna thleng a awm chuan thuneitute hnenah thlen vat tur a ni, ati bawk. India dan ah chuan hmeichhia te chhaih nawmnah engpawh Jail thleng tan theih ani ati bawk. Pu Andy Lalfakzual Varte, SDC & Co-ordinator, Beti Bachao Beti Padhao (BBBP) pawhin “Child Sex Ratio” chungchang sawiin hmeichhiate an hniam hle a ni ati a, Dr Joseph Dena pawhin naupang a pian atanga thla ruk a thlen thlenga enkawl dan hrang hrang leh chaw pek dan te a sawi bawk. Programme karlakah Aizawl Cultural Troup leh MTP Hqrs, Siaha ten hnamlam chi hrang hrang an entir bakah zaithiam hrang hrang te zai ngaihthlak ani. Destiny Youth Siaha ten lam hmuhnawm tak an entir bawk. Pu S.Kaptluanga, SDC, Siaha chuan lawmthu sawina neiin he programme hi a ti tawp a ni.