Food & Civil Supply Department a Officers & Staff Welfare te chuan vawiin khan kum 2016 chhung atana inhlantharna leh department hnathawh thlirletna hun an hmang a.Tun kum chhung hian Supply Deptt.in hma nasa takin a sawn a, budget leh sale proceeds ah pawh Rs.30:00 crore chuang lai profit a awm tawh a. Financial Year ah pawh deficit awm tawh lovin hman ban an nei ta zawk tih sawilan a ni.

He hun hmanpui hian Supply Minister Pu John Rotluangliana chuan tun kum hnih chhunga Supply Department chhunga thil nasa taka a danglam thu sawiin tunah chuan Buhfai kan quota bak kan lei belh thin pawh nasa taka a tlakhniam thu leh mipui, VIP leh a thawktu ngeite pawh special permit kan pek tak loh avanga sorkar in sum tam tak a save theih tak thu a sawi a. Food Security atana in buatsaihnaah thawktute inpekna ah lawmthu a sawi a. He scheme hi February thla chhunga launch hman tum niin March thla ah a tak a hman theih a beisei thu a sawi a. FSA hnuaiah hian thingtlang a chhungkaw 80% chuangin Buhfai a tlawm a an lei theih tur thu a sawi bawk.

Minister chuan Supply Department Officers & Staff te hian a tak takin hna an thawk a, inhlantharna an buatsaih hi Supply Officers & Staff Welfare Association pawhin an tih awm tak an ti . Kan vaia kan thawhrimna avangin tunah chuan Assembly Session, Fakselna a min seltu an tlem ta. Kumthar kan kai a, kan hma a furpui lo thleng turah zokhaw kilkhawr ber thleng a buhfaia kan mangan loh nan tan la chho leh nghal turin a chah. Post ruak hnawhkhah loh tam tak lang miah lova thawktu te inpekna avangin lawmthu a sawi bawk.

He hun ah hian Supply Commissioner Pu Hrangtawna pawh in thu a sawi bawk.

Hun kaihruaitu Pu Lalbiakkima, Chairman, Staff Welfare chuan Minister chak leh hna thiam tak an nei chu a lawmthu a sawi a ni.