Vawiin khan Extension Education Institute (EEI), North East Region, Assam Agriculture University, Jorhat leh State Agricultural Management & Extension Training Institute (SAMETI), Mizoram tangkawpin an buatsaih, ni 4 chhung awh tur "Off Campus Training on Organic Farming and Integrated Nutrient Management chu Pu J. Lalzamliana, Director of Agriculture (Crop Husbandry), chuan Agriculture Committee Room, Directorate of Agriculture-ah a hawng a.

Organic Farming a Training hawnna inkhawm ah hian Pu J. Lalzamliana, Director of Agriculture (Crop Husbandry chuan an Department hnuaia hmalakna reng reng chu a hralhchhuahna tur riruang ngaihtuah lawka kalpui vek a tul tih a tarlang a. Training chhimtu Agriculture mithiam te pawh an training chhungin kuthnathawktu te hnena pekchhawn tur thiamna zirchhuak turin a chah a ni.

"Off Campus Training on Organic Farming and Integrated Nutrient Management" chhung hian Dr. A.K. Bhattacharya, Professor, EEI, Jorhat leh Dr. R. Baruah, Professor, Soil Micro-Biologist, Assam Agriculture University, Jorhat te'n training an pe dawn a ni.