No.5926/2020-2021 

Vawiin chawhma khan  Environment Forests and Climate Change Deptt Lunglei Division leh Fisheries  Department Lunglei District te buatsaihin Joint Operation On Awareness Campaign On Conservation Of. Indigenous Flora & Fauna of Riverine Ecosystem of Mizoram chu Vanva Group YMA humhalh Vanva lui ah neih a ni.

He hun hi Pu H. Lalawmpuia Range Officer Haulawng chuan kaihruaiin, Pu Zohmingthanga DFDO leh Pu Vanlalzarzoliana Ranger,  DFO Lunglei aiawh te bakah Pu Lalsangzuala Chhangte, Pu C. Zohmingliana Vanva Group YMA hruaitute chuan thu an sawi.

He huna thu sawitu Department pahnihte chuan, Mizoram lui dung leh ramngaw ah te hian ramdanga awm lo (Endemic) Leh rambung tlemte a awm nungcha engemaw zat kan nei a, heng nungcha te hi dan in a phalloh hmanraw hmangin nasa takin kan suat rem mek a, Fisheries Act leh rules bakah Forests Act leh rules tun hnai a pass tharte chuan heng dan bawhchhetute na taka hrem tur an nih mai bakah a mantute pawh lawmman pek theihna hial dan kan nei mek a ni an tih bakah Vanva group YMA ten luidung leh ramngaw a nungcha humhalh nachang an hria chu lawmawm an tih thu an sawi bakah a ṭul dan ang zela puihbawm an inhuam thu Deptt pahnih te hian an sawi bawk.

He huna thusawitu dang Vanva Group YMA hruaitute pawhin Vanva lui leh a ngaw a nungchate chu hlawkna beisei avanga humhalh kan ni lo a, Group huamchhunga mipui ten nungcha humhalh hi a ṭulin a pawimawh a ni tih kan zirchhuah theihna tura heng hi kalpui kan ni an ti bawk.

Vanva lui leh ngaw, group YMA in an humhalh ah hian, sangha chi hrang hrang bakah, Saphai, Sele te zalen taka an awm reng  bakah kumtin Vahai rual November thla vel hian an lo pem lut ziah ṭhin a ni.