Nimin ni 5.1.2016 (Ningani) chawhma khan Environment, Forest & Climate Change Department-a officer leh thawktu staff te chuan an Minister Pu Pu Lalrinmawia Ralte hovinkumthar atan inhlantharna hun (Re-dedication programme) chu PCCF Conference Hall, Tuikhuahtlang ah an hmang.

Minister chuan kumthar thuchah sawiin, kum thar tirh atangin department tan nasa zawk a inpe theuh turin thawktu te a sawm a. Kum kal ta aia kum tharah chuan midang te tana tangkai zawk a thawk turin leh, a bik takin dawrtu mipui te tan biak nuam leh inhawng zawk a thawk theuh turin thawk tu te a chah a ni. Minister chuan thiamna sang Ieh zir sang tak tak tam takin sawrkarah hna nghet an hmuh theihloh laiin sawrkawa hna nghet nei theia lut te chu an vanneih zia tarlangin, lawm nachang hria a, hlawh leh service dinhmunah te midang it mai lova lungawi thiam a pawimawh thu leh mahni hna theuh a rinawm taka thawk zel turin a chah hlawm bawk.

He inhlantharna hun hi Additional Principal Chief Conservator of Forests, Pu Rosiama Vanchawng, IFS in a kaihruai a. Rev. K Lalrinthanga, chuan hunserh hmangin, Pu Lalthangliana Murray, CCF(Administration) in lawmthu sawiin a ti tawp a ni.