1611/2026-2027

Dated Aizawl, the 31st July 2026: Vawiin chawhnu khan Pu Lalthansanga, Environment, Forests & Climate Change (EF&CC) Minister chuan Bethlehem Vengthlanga Forest Training School-ah Forester batch 25-na leh Forest Guard batch 33-na te Convocation chu Khuallian niin a hmanpui.

Minister chuan Forester leh Forest Guard Training zo hlimte chu a lawmpui thu a sawi a. Forest Department hmel lanna tur, mipui nena inhne hnai turte an nih avangin dik tak leh rinawm taka an hna thawk tura chahin, anmahni leh Department hmel mawina vawng nung tura inuluk turin a fuih bawk. Khawvel thang zelah Ramngaw leh nungchate hlutna a lang chiang deuh deuh zel a, Mizoramah pawh kan ramngaw leh nungchate kan humhalh that lehzual a tul a. Chak zawka hma kan lak theihnan Forest Department thuam chak zel Mizoram sawrkarin a tum a ni, a ti a. Forester leh Forest Guard tharte chu duhsakna a hlan bawk.

Forester mi 3 leh Forest Guard mi 20 ten training hi February ni 2, 2026 atangin an nei tan a. Training neih chhunga ti tha bik thlanchhuahte hnenah Khuallian hian lawmman a hlan a. Lawmman dawngtute chu:

1. PCCF Gold Medal Overall Highest Academic Performance: Phoebe Lalremruati, Forest Guard
2. APCCF Gold Medal Best Conduct Award: Lalchhandama Sailo, Forest Guard
3. Silver Medal in Forest Protection & Law: Phoebe Lalremruati, Forest Guard
4. Silver Medal in Silviculture: V Malsawmtluangi, Forester
5. Silver Medal in Wildlife Management: Phoebe Lalremruati, Forest Guard

Vawiin hun hi Pu Agni Mitra, Chief Conservator of Forests (RTM) chuan a kaihruai a. Pu C Hmangaih Johana, Vice Principal, Forest Training School in Training Report a pe a. Dr R Lalruatfela, Principal, Forest Training School chuan lawmthu sawiin hun a khar a ni.