3880/2022-2023

Aizawl, the 17th March, 2023: Environment, Forest & Climate Change (EF&CC) Minister Pu T.J. Lalnuntluanga chuan vawiin khan Dampa Tiger Reserve sum dawn tlai avanga thawktuten harsatna an tawh meka hmalak dan tur chungchang Pu C.P. Goyal IFS, Director General Of Forests & Special Secretary, Ministry of Environment, Forest and Climate Change chu DG Office, New Delhi-ah hmuin a sawipui.

Pu T.J. Lalnuntluanga chuan Director General of Forests & Special Secratary hnenah hian Dampa Tiger Reserve-a hna thawk ten hlawh an lak theih loh avanga harsatna nasa tak an tawh tawh thu leh, a ranglama thawktute hlawh pek chhuah a ngaih thu a hrilh a ni.

Director General of Forests Pu C.P. Goyal chuan Finance System thar chungchanga buaina an tawh thu leh Mizoram leh Maharastra State bikah mutan an la neih thu a lo hrilh a. Hemi buaipui tur hian Forest Officer-ten National Tiger Conservation Authority kaltlanga hma an lo lakpui tur thu a lo hrilh a. Sawrkar kum kal lai (tun financial year) tawp hma ngeiin sum tangte pek chhuah a nih ngei theihna turin hma an lo lakpui tur thu a hrilh bawk a ni.

EF&CC Minister hi Pu Pee Lee Ete IFS, Conservator of Forest (Eastern Circle), EF&CC Department, Govt. of Mizoramin a tawiawm a. Director General of Forests & Special Secretary Pu C.P. Goyal hi Pu SP Yadav, Additional Director General, National Tiger Conservation Authority chuan a tawiawm a ni.