3881/2022-2023
Lunglei the 17th March' 2023: Lunglei District Crime Review Meeting chu vawiin khan SP Conference Hall, Lunglei ah neih a ni. He meeting hi Pu Rahul Alwal, IPS, Superintendent of Police, Lunglei District in a kaihruai a. Lunglei District Addl. Superintendent of Police, Sub Divisional Police Officer-te, Police Station Officer Incharge zawng zawng te, Lunglei Police Station a case Investigating Officer zawng zawng te bakah District Crime Branch, District Special Branch, Prosecution Branch leh Traffic Branch te atangin Officers te an tel a ni.

Lunglei District SP Pu Rahul Alwal, IPS chuan thuhma sawiin kum 2022 chhung khan Lunglei District case conviction rate a tha thawkhat hle a, hei hi Lunglei Police te leh Court a hnathawkte bakah Lunglei District chhunga NGO hrang hrang leh mipui te tawiawmna leh inpekna rah a ni, a ti a. Mipui te tawiawmna ah SP Lunglei District chuan lawmthu sawiin rukruk case leh ND&PS case a hluar zel loh nan mipui te hnen ah CCTV a theih anga tam hmang tangkai a, In kan kalsan in kan in leh lo te tha taka kalhna siam a, rukruk leh damdawi kaihhnawiha jail tang thin te jail atanga an lo chhuah leh chhuah loh lo ngaihven a lo thlithlai thin turin mipui te a chah bawk. Accident a hluar zel loh nan traffic rules ngai pawimawh tur te leh kan hma lawk ah furpui kan thleng dawn a, he hun ah hian khuarel chhiatna thleng thei lak ah mipuite fimkhur turin a chah a. Kan hma lawk a Lunglei Municipal Council Election lo awm tur chu boruak muanawm tak hnuaia zawhfel anih theihnan Police-te chu theihtawp chhuah tura chahin Lunglei mipuite thawhho puiah a sawm bawk a ni.

Kum kalta 2022 chhung khan Lunglei District chhungah thubuai (case) chi hrang hrang 205 ziah luh a ni a, heng zing a case 150 te chu Court ah chargesheet thehluh tawh a ni. Court thubuai chinfel tawh zat chu 120 ni in hetah hian case 111 ah convict ni in, conviction rate chu 95% a ni. Kum 2022 chhung khan case thehluh atanga thilbo hmuh let zawng zawng hlut zawng chu Rs 9,017,760/- a ni a, traffice rules bawchhia te hnen atangin Rs 5,01,450/- chawitir an ni bawk.

Kumin January ni 1, 2023 vawiin ni 17.3.2023 thleng hian Lunglei District ah case 47 ziahluh a ni tawh a, heng zingah hian case 21 chu court ah chargesheet thehluh tawh ni in unnatural death case  4 ziah luh a ni tawh bawk. Damdawi (Drugs) Heroin No. 4 kaihhnawih case 2 ziakluh tawh ni in mi 7 man tawh an ni. Damdawi (Drugs) Heroin No.4 hi 3.620 Kgs international market rate ah Rs 117,311,000/- hu man a ni. Kumin 1st January atanga 16th March 2023 thlenga traffic rules bawhchhia te sum chawitir zat chu Rs 3,08,109/- a ni.