3882/2022-2023
Lunglei the 17th March, 2023 – March ni 29, 2023-a neih tur Lunglei Municipal Council Election atana candidate te sum senso dan endikna vawikhatna chu vawiin khan Accounts & Treasury Department in an kalpui a. Lunglei Treasury Officer Pu Vanlalrosiama Ralte chuan Ward I atanga Ward VI endikin Pu PC Lalrammuanpuia, Audit & Accounts Officer chuan Ward VII-XI te a endik a ni.

Lunglei Municipal Council inthlanna atan hian Candidate tin te cheng nuai 1 thleng hman phal sak an ni a, endikna ah hian Candidate emaw an aiawh election agent-te hian nitina an insenso dan record fel tak leh bill, voucher te an keng a ni. Expenditure endikna hi tum thum neih tur niin a tum hnihna hi March ni 22 (Nilaini) ah nei tur niin a tum thumna leh tawpna hi March ni 28 (Thawhlehni) ah neih a ni ang.