883/2022-2023
Aizawl, the 17th March 2023: Vawiin khan Labour, Employment, Skill Development & Entrepreneurship Depatment (LESDE) chuan nikhat awh tur, Mizo thalaite te tih hmasawnna atan Workshop on Promotion of Apprenticeship Training chu Govt. ITI Aizawl Auditorium-ah a buatsaih.

He hunah hian Ministry of Skill Development & Entrepreneurship (MSDE) leh Labour,Employment, Skill Development & Entrepreneurship Department (LESDE) leh Automobile Dealers Association of Mizoram (ADAM) ten thawhhona thuthlung ,Tri-Partite Agreement kum thum(3) chhung atan an ziak a.

He hunah hian Pu Lalramsanga Sailo, Secretary, LESDE Department chuan ITI zirchhuakte leh Mizo thalaite tan Apprenticeship Training a pawimawh zia leh Mizoram mai bakah India ram chhungah hnathawh tur tam tak a in hawn thu a sawi a. Zirlaite chu chhawr tlak an nih theih nana taimak chhuah tur leh an thil zir kawngah ?hahnem ngaih chhuah leh zual turin a fuih a ni.

Workshop-ah hian Resource Person Pu Ganesh Chandra Deka, Dy.Director, Regional Directorate of Skill Development & Entrepreneurship (RDSDE) atanga lokal in zirlaite hnenah Aprrenticeship chungchangah hriattur pawimawh te a sawifiah.

Inremna thuthlung angin ADAM Industry Cluster hnuaiah hian ITI zirchhuakte leh Mizo Thalaite ten Training pahin hna an thawk ang a, Stipend an dawng tel bawk a ni. Hemi chungchangah hian Pu Lalhmangaiha, Chairman, Automobile Dealers Association of Mizoram (ADAM) chuan hmalakna kalpui dan tur a sawifiah bawk a ni.

Workshop hawnna Programme tawi hi Pu K Lalhmingliana, Addl. Secretary, LESDE Department-in kaihruaiin, he hunah hian RDSDE lam aiawh, LESDE Depatment Officials, ADAM member te bakah ITI zirlai thahnem tak an tel thei a. Pi Angela Zothanpuii, Director LESDE  chuan kalkhawmte hnena lawmthu sawina neiin Workshop hawnna hun a khar a, chawhnu lamah Apprenticeship chungchang a hriattur hrang hrang in zirtirna Worshop neih chhunzawm a ni.

Attachment

  • Loading attachment...