4815/2024-2025

Dated: Mamit the 26th of March, 2025: Nimin khan Dampa Tiger Reserve, Mamit-ah EF& CC Minister Pu Lalthansanga chuan Eco Fest 2025 chu Khual lian niin a hmanpui.

Minister chuan Eco Fest 2025 hmang tura lo kalte hnenah chibai bukna hlanin hemi hlawhtlin nana thahnem ngai taka hnathawktute chungah lawmthu a sawi a. Pu Lalthansanga chuan kan Chief Minister zahawmtakin a sawi angin hun thar kan chuangkaiin mihring pawn kan awmdan kan thlak zel a tul a ti a, chutiang bawkin mipuite pawh kan nungcha te tan silai hmanga pasaltha ni tawh lovin camera hmanga pasaltha nih a tul tawh zawk a ni a ti a, Dampa Tiger Reserve venghim turin kan zavaiin mawhphurhna kan nei a, hlen ngei a theihtawp chhuah turin a ngen.

Minister chuan Sawrkar chuan ramsa, rannung, thing leh mau humhalh nan “online complain portal” siam a tum thu sawiin theihtawpin hma a la mek a, hetah hian hming lang lo (anonymous) a complain thehluh theih tura ruahman niin dan bawhchhe tute chu hrem an nih tur thu a sawi. Kan nungchate kan humhalhna kawngah hian Forest department mai ni lo kan YMA te an pawimawh em em a, inlaichinna tha nei a hna tha taka thawk ho turin a chah bawk a ni.

Vawiin hian Orchidarium & RET Plant Conservatory lungphum phumna hun leh Jungle Safarai, Core Zone I leh II hawna neih a ni a. Photography competition a lawmawm dawngtute hnenah thilpek hlanna hun neih a ni bawk.

He hunah hian Principal Chief Conservator of Forest, Chief Wildlife Warden bakah officials dangte an tel a ni.