3367/2024-2025

Aizawl dated 5th December 2024: Vawiin khan Ex Fighting Fifth Association (EFFA) bultumin kum 1971, December ni 3-a Chhamb khawpui a India leh Pakistan sipai inkah cham 53-na pualin ‘53rd Anniversary of Battle of Chhamb-71’ hman a ni a. Lt. Gen. AS Pendharkar, G.O.C 3 Corps Hqrs. chu khuallian niin Lt. Gen. JR Mukherjee (Retd.) leh Maj Gen. PK Puri (Retd.) te chu Khual zahawm an ni a. Sub. Laltana (Retd.), President, EFFA chuan hun kaihruaiin Chhamb indona a 5th Assam Regiment atanga nunna chante sunna hun hman a ni.

Khuallian Lt. Gen. AS Pendharkar chuan kum 1971-a Pakistan leh India sipaite Chhamb khawpui a an indona ah hian Pakistan sipaiin tam hneh hle mahse 5th Assam Regiment-te huaisenna leh ram tana an inpekna chu ropui a tih thu sawiin he inkahna a nunna chan ta te, hliam tuar te leh ral dona a tel zawng zawngte chu zahna chibai a buk thu a sawi.

53rd Anniversary of Battle Honour of Chhamb-71 pual a hun hmanna ah hian Capt. Hmingdailova Khiangte, IPS (Retd.) chuan kalkhawmte lawmna thu sawiin Chhamb khua a indona thlen dan tlangpui tarlanna hun a hmang a. Chhamb indona a 5th Assam Regiment mi 21 nunna chan te sunna hun hman niin Sub. Darromawia (Retd.) hnen atangin EFFA hmalak dan hrang hrangte ngaihthlak a ni a. Hnam lam leh zai te entir niin Hav. Vanlalauva, Vice President, EFFA chuan lawmthu sawina hun a hmang a ni. Battle Honour of Chhamb 71 pual a hun hmanna ah hian Ex-Fighting Fifth Association member-te leh an chhungte an tel a ni.