No.1752/2021-2022
Aizawl 9th August 2021: Dy. Commissioner of Food Safety-Cum- Controlling & Licensing Authority, Directorate of Health Services, Pu Lalsawma chuan ei leh in chungchangah a hnuai a mi ang hian thuchah a siam:

Ei leh In tel lovin tumah kan dam thei lo va. Hriselna tha nei tura Ei leh In thianghlim a pawimawh tluk zetin Ei leh In thianghlim lovin hriselna a tichhe thei bawk.

Ei leh In thianghlim khawih hmelhemna (adulteration) hi thil thleng thei leh thil pawi tak a ni a. Food Laboratory changtlung zawk State-in kan la neih loh avang leh, Ei leh In Mizorama lo lutte test sen a nih thin loh avangin Ei leh In thianghlim lo avanga harsatna hi thleng palh theih reng a ni tih i hria ang u.

Mizoram Food & Drug Administration, H&FW chuan Ei leh In thianghlim lo laka kan him theih nan hriattur pawimawh a hnuaia mi ang hian a siam a, zawm theuh turin kan inngen e :-

1. Ei tur fun felsa thlap (packed food) chu a phui tha hle tur a ni a. Kan lei dawnin ngun taka enfiah thin tur a ni. A fun a phui tawk lo a nih chuan lei lohva ei loh bawk a him ang.

2. Ei tur (packed food) chu a label atangin engtika siam nge tih leh ei theih hun chhung tura ruat enchian thin tur a ni. Siamna rei tawh leh ei theih hun chhung ral hnai tawh a nih chuan lei lohva ei loh bawk a him ang.

3. Thlai lamah Mizoram kan intodelh thawkhat a ni tih Covid-19 hri leng kara kan thlai tharchhuah kan semdarh vel danah a hriat a. Heng kan ram chhunga tharchhuahte hi a thianghlimin a him tawk a. Chuvangin, chin hriat loh State pawn atanga lo lutte chu ei loh theih a him ber ang.