1071/2023-2024

Aizawl, the 7th July 2023: Vawiin July ni 7 (Zirtâwpni ) khân Mizoram EIACP Hub, Mizoram Pollution Control Board huaihawtin Mission LiFE programme hnuaiah Van Mahotsav, 2023 lawmna chikhat atân thing tiak phunin D.I.E.T Practicing School, Chaltlang, Aizawl-ah hun an hmang. He thing phunnaah hian zirlai leh zirtirtu 76 chuang an tel thei a ni.

Thing tiak phun hmâ hian programm tâwitê buatsaih niin Mission LiFE chungchâng bâkah Van Mahotsav tobul leh a thil tumte EIACP Hub hotute lam atanga ngaihthlak a ni a, he programme-a telte hian LiFE puala intiamna (pledge) an la bawk a ni. D.I.E.T Practicing School huam chhûngah thing tiak engnge maw zât Van Mahotsav, 2023 pual hian phun a ni.