1070/2023-2024

7.07.2023: Mizo Zirlai Pawl & Mizo Student’s Union Gen. Hqrs. hruaitute chuan vawiin khan Chief Minister Pu Zoramthanga chu a pisa ah hmu in tun hnaia Assembly House a hna lak chungchangah thu an thlen.

Chief Minister hnenah hian zirlai pawl hruaitute chuan Assembly House ah tunhnaia post 11 atana hna lak chungchanga lungawilohna an neih te an sawi a. Heng bakah hian an RR (1995) chu a hlui tawh avangin en nawn ngai nia an hriat thu te an thlen bawk a. Hemi chungchangah hian ziaka thu thlen a bawhzui an tum thu an sawi. Chief Minister chuan inhawng takin an thu thlen te a ngaihthlak sak a. Assembly lama hotute pawh a lo biak tur thu hrilhin a tul anga hma lak a nih zel tur thu a sawi a ni.

I&PR Minister Pu Lalruatkima leh Law & Judicial Minister Pu TJ Lalnuntluanga te pawh an tel a ni.