221/2025-2026

Dated Serchhip, the 17^th April, 2025: Vawiin khan Serchhip Fire Station a thawktuten Eklavya Model Residential School Serchhip Kawlri ah Fire Safety Awareness leh Mock Drill an nei.

April Ni 14 hi kum tinin Fire Service Day atan India ram pumah hman thin a ni a. Kum 1944, April ni 14, Indopui-II na lai khan British Indo lawng lian 'S.S. Fort Stikine', ralthuam leh puak thei thil tam tak phur chu Bombay (Mumbai) lawng chawlh hmunah a kâng vak mai a. He kangmei chhuaka mi huaisente hriatreng nan leh kum tina kangthelhnaa nunna hlantu Fire Services mi leh sa te hriatreng nan April ni 14 hi India ram pumah Fire Service Day/ Martyr's Day atan hman a lo ni ta a ni. Hemi hapta April ni 14-20 chhung hi Fire Service Week atan kum tinin hman thin a ni a. He week denchhen hian fire station area tina school pakhat tala fire safety leh mock drill neih ni se tih bawhzuina atana neih a ni a, chawhma lamah khan Mercy Hospital, New Serchhip ah hetiang hun hi an hman pui tawh bawk a ni. 

Fire Station-a thawktute hian kangmei chhuak palh ta se engtia chet lak tur nge tih zirtirin, chiai mai lova fire station phone no. 03838 222135/8119884154 emaw police station ah hriattir vat thin turin an chah a. Hliam tuarte bawihsawm dan tur leh chhanchhuah hna thawh dan tur bakah Kangthelhna hmanraw chi hrang hrang hman dan tur te a taka entirin an zirtir a ni