220/2025-2026

Dated Serchhip, the 17^th April, 2025: Poshan Pakhwada hmalakna kal zelah vawiin khan Serchhipah ICDS Project huaihawtin kawng zawh - Poshan Health Walk on Importance of 1000 Days neih a ni.

Serchhip ICDS Project hian an thawhpui Department hrang hrang te, Anganwadi Worker te leh helper mi 70 te nen Electric Department Office, P&E Veng atanga ICDS Office thleng kawng an zawh a. Pi Caryll Lalpari, CDPO, Serchhip ICDS Project chuan Poshan Health Walk neih a nih chhan leh 1000 Days awmzia leh pawimawihna te a sawi a ni.

Poshan Pakhwada 2025 hi April 8 atanga April ni 22, 2025 chhung neih a ni a. He Programme in a tum ber chu ei tur tha, anemia chungchang inhrilhhriatna leh venna, nu leh naupang hriselna chungchang, thlai leh thil ei pawimawhna inzirtir te a ni. April ni 8, 2025 khan Video Conference leh YouTube kaltlangin a hawnna neih a ni a. Anganwadi Centre hrang hrangah faina hnatlang te neih niin, naupang leh nu naupai te tlawhchhuakin hun an hmang a ni.