Vawiin chawhnu khan Pu SB Joshi, Secretary leh Pu Santosh Kumar Dubey, Under Secretary, Election Commission of India ten Mizoram Governor Kumanam Rajasekharan hnenah  Mizoram State Assembly election 2018 a tling tharte hming, ECI in a tihchhuah chu an hlan.

Pu SB Joshi chuan Mizoram a inthlan muanawm leh felfai tak an kalpui thei chu lawmawm a tih thu a sawi a, Election a hlawhtlin theih nana thawktute zawng zawng fakawm a tih thu a sawi bawk. He hunah hian Pi Lalzarmawii, IAS, Addl CEO-I, Pu Krishna Mohan Uppu, IAS, Addl CEO-II leh Pu K Lalthawmmawia, IAS, Governor Secretary, Mizoram ten an tel pui a ni.