Vawiin chawhma dar 11:00 khan Lunglei DC’s Conference Hall-ah Pu N.N.Butolia, Secretary, Election Commission of India (ECI) chuan Lunglei, Lawngtlai leh Saiha District a Booth Level Officer (BLO) te training pe tu tur Trainer te tan training a hawng a. Secretary hi Lunglei Bawrhsap Pu V.Sapchhunga, IAS leh Pu H.Lalengmawia, Jt.Chief Electoral Officer ten tawiawm in chawhnu dar 1:00 ah Lunglei Circuit House ah Chanchinbu mite a kawm nghal a ni.

Election Official te hian India khua leh tui dik tak ten vote an neih theih nan election official te bakah Polling booth tin a BLO leh khawtlang a NGO’s te thawhhona a pawimawh thu an sawi a. Kumin a kalpui mek Special Summary Revision of Electoral Roll phei hi chu nakum mai ah inthlanpui a awm dawn avangin ECI in a ngai pawimawh zual a. Ni 1.1.2013 a kum 18 tling tur te phei chu he Roll Revision ah hian thun hman vek a tum thu an sawi. E-Roll ah hian India khua leh tui kumtling chin tu pawh in ennawnna kalpui a nih chhung chuan thlalak kengin District tina Election office ah E-Roll a thun a dil theih thu tarlan a ni a. Roll Revision a lungawilohna nei te tan ERO hnenah lungawilohna thlen theih niin, Deputy Commissioner (DC) hnenah leh Election Commission thleng pawhin a lungawi loh fo chuan a zualko thei a ni tih Election official te hian an sawi bawk.

Vawiin training Programme ah hian Lunglei, Lawngtlai leh Saiha District a BLO te training pe tu tur trainer te chuan master trainer Dr.Andrew H.Vanlaldika E.O, Lunglei, Pu H.Lalhmingthanga, EO, Saiha leh Pu R.Vanlalsawta, ACEO te hnen atangin training an dawng a ni.