Vawiin khan Mizoram Departmental Officers’ Association hruaitute chuan Pu Van Hela Pachuau, Chief Secretary chu a office ah an hmu a. Tunlai department hrang hranga Departmental Officer ten harsatna an neih hrang hrangte an thlen a. An thuthlente chu 1) Departmental Officer post ruak te a rang thei ang bera hnawhkhat thin turin ; 2) Secretariat-a Departmental Officer te dah ve chungchang ; 3) Recruitment Rules siam fel chungchang ; 4) 7 % DA min pek avanga lawmthu sawina leh tuna 7 % DA la awm mek hi pe leh thuai tura ngenna te an ni.

Chief Secretary in a lo dawnsawn danah lawmthu an sawi a. Beiseina sang tak an neih thu an sawi.