Vawiin khan Aizawl City Development Plan (CDP) siamna atana Technical Committee chu an Chairman Pu R.L. Rinawma, Principal Secretary, Urban Development & Poverty Alleviation Department hovin an thu khawm.

Aizawl City tana CDP hi kum 2006 khan India sorkar in JNNURM a kalpui tan dawn ah siam a lo ni tawh a. JNNURM hmanga Aizawl khawpui tana hmalakna hrang hrang te huamin Plan fel tak siam a lo ni tawh a. He CDP hi enthat a tul ang zela siam tha turin Mizoram sorkarin hma lain a kalpui chho mek a. CDP Policy committee hi Minister, UD & PA hova din a ni a, chu chuan ruahmanna tlangpui a siam tawh a. CDP siam dan tur kimchang chu he Technical Committee kutah hian a dah ta a ni. JNNURM thawh hnihna atana inbuatsaihna atana CDP ennawn hi chak taka kalpui a ni a. He CDP hian Greater Aizawl hmasawnna kawng hrang hrang tana ruahmanna a duang chhuak dawn a. Chuvangin AMC bakah Department hrang hrang PWD, PHE, P&E, Environment & Forests, Social Welfare, Land Revenue & Settlement, Tourism, Art & Culture, Disaster Management & Rehabilitation te bakah Mizoram INTACH aiawh te he Technical Committee ah hian an tel a ni.

He meeting ah hian CDP buatsaihna atana hma lak dan tur hrang hrang te sawi ho a ni a. Meeting vawi engemawzat la neih a, stakeholder consultation te pawh la neih zel tura ruahman a ni.