State Working Committee (SWC) National Foundation for Teachers’ Welfare (NFTW) Education Minister Pu Lalsawta hova May ni 3, 2012 a thukhawmin a rel angin School Education Department Joint Director Pu B. Lalchhuanliana Chairman-na hnuaiah Teachers’ Day 2012 puala zirtirtu chhawmdawl ngai te tanpuina tur sum tuakna tur ngaihven tu Sub-Committee din a ni a. Joint Director Office-ah meeting hmasaber an nei.

Vawiin meeting-ah chuan sum tuakna pui ber atan Teachers’ Day 2012 pualin Ball Pen leh Keychain siam nise, a zau thei ang bera hralhchhuah leh sum peipun te chu uluk taka Committee in vil zui nise tih an rel a. Kum danga tih thin Car leh Token Flag buatsaih chungchang pawh sawiho niin uluk zawka ngaihtuah nawn leh atan dah rih a ni. Rampum huap National Teachers Welfare Fund in a beisei angin kuminah pawh hetiang chhawmdawlna sum tuak hi thahnemngai taka thawh nise an duh thu meeting-ah hian sawilan a ni.