2612/2022-2023
Aizawl 11th November 2022: Ni 09.11.2022(Nilaini) khan Election Commission of India thu angin Election Department, Government of Mizoram chuan Draft Electoral Roll tihchhuah tur denchhenin ‘A step for Participative Elections’ tih theme-a hmangin Walkathon a huaihawt a.

Walkathon tan hmain Pi Laldinfeli, Assistant Chief Electoral Officer, Mizoram chuan pungkhawmte hnenah ni 09.11.2022 hian Election Department chuan Election Commission of India thuchhuah angin Special Summary Revision of Electoral Roll, 2023 atan Draft Electoral Roll a tichhuak dawn a, hemi ni atang hian Electoral Roll-a luh thar dilna te, Electoral Roll-a hming chuang tawh ten siam that ngai siam that dilnate leh adangte a theh luh theih dawn tih sawiin, hengte hi mipui nawlpuiin zau zawka kan hriat theih nan he Walkathon hi huaihawt a ni tih a sawi a.

Pu David L.Pachuau, Joint Chief Electoral Officer, Mizoram chuan Directorate of Election office kawt, Mizoram Old Secretariat Building-I Treasury Square atangin zing dar 6:30 khan Walkthon hi vai liamin School naupang bakah YMA Branch hrang hrang atangin member engemaw zat an tel a ni.