2611/2022-2023
Mamit, the 10th November 2022: Vawiin chawhnu khan Governor Hari Babu Kambhampati chuan ni 2 chhung Mamit District a official programme hmang turin Mamit khawpui a thleng a. Deputy Commissioner Office tlawh hmasa berin District a Sawrkar hotulute a kawm nghal a. Hemi hnu hian Kohhran hruaitute, NGO hrang hrang hruaitute, Political Party hrang hrang hotute leh MJA Mamit member te nen a hran theuhin an inkawm chhunzawm leh bawk a ni.
Bawrhsap Pu Lalnunhlua in Mamit District mipuite aiawh hian Governor in a tlawh chu a lawmna thu sawiin District hmelhmang sawilanna hun thuhmahruai a nei hmasa a. Mamit SP Pi Lalthangpuii Pulamte in District chhunga Dan leh Thupek kenkawh dan a sawi chhunzawm a. Hemi hnu hian Nodal Officer, Aspirational District hnen atangin District Profile tih thupuia hmangin aspirational district program lam hawi deuha hmalakna pawimawh zual te ngaihthlak a ni.
District hotulu pahnih ten report an peklai hian Governor Hari Babu Kambhampati hnen atanga zawhna te District Office a hotu ber te leh Bank lama hotuten an chhang a ni. Governor hnenah hian an harsatnate sawiin anmahni lam atanga an hnalak tum dan te pawh ngaihthlak a ni bawk.
He program ah hian Bialtu MLA Pu H Lalzirliana,Vice Chairman ,Road and infrastructure Development Board chuan thu sawiin Mamit district chhung a hmasawnna project hrang hrang kal lai mek te leh central a approve tur a la awm mek te chungchangah report a pe hmasa a ni.
Governor chuan aspirational district pawimawh zia leh sorkar schemes hrang hrang te chu a nihna ang tak a hman anih theih nan Government officials te leh Bankers te an theih tawp a hma la tur in a fuih a. Project thenkhatte thawh chhung a rei lutuk thin leh a thawh hun chhung pawhsei a ni fo thin chu thil fel lo tak a ni a tiin heng project te hi a hun taka zawh theih dan official ten an ngaihtuah thiam tur a ni a ti a. Banker te pawh scheme tha tak tak beneficiary te hrilhhriat hi an mawhphurhna an hriat thar leh a ngai a ni a ti.
PM Ujjwala Yojana(PMUY) scheme kal meka Gas connection neih theih chungchang te hria an tlem bakah diltu an tlem chhan chu mipuiin an hmelhriat that tawk loh vang a ni a. Hengah te hian Gas Distributor te leh sawrkar official te an tan a ngai hle a ni a ti. Central Sawrkar hnuaia scheme tha tak tak, Mizoram mipuite hamthatna tura scheme awm mek te - Pradhan Mantri Suraksha Bima Yojana (PMSBY), Pradhan Mantri Jeevan Jyoti Bima Yojana(PMJJBY), etc,. te mipuiin an hriat a ngai a ni a ti.
Education-ah Mamit District chu tan an lak zual a ngai a; Mizoram pum ang pawhin tan lak a ngai hle a. Education ah district dang te ai a hnufual bik a nih avangin education lama hotu te chu an theih tawp a hma la turin a hrilh.
Pu H. Lalzirliana chuan Mamit aspirational district Governor in a tlawh chu lawmawm a tih thu a sawi a. Mamit District chuan kawng hrang hrang ah hmasawnna a hmuh thu sawi in Mamit district chu chi leh hnam hrang hrang awmkhawmna ni mahse chung te chu a district ti phuisui tu anih thu a sawi.
Mamit district in a mamawh te sawiin National Highway pawh Governor nawrpuina a tih puitlin a ni ta chu lawmawm a tih thu a sawi a central a proposal la awm mek te pawh approve a nih thuai theih na turin Governor chuan a theih anga hma laksak turin a ngen bawk a ni.
Pu Lalnunhlua, Mamit Bawrhsap report pek dan chuan tunah hian Mamit District 3025.75 sq.Km a zauah hian mihring 86,364 an cheng mek a. Village Council 89 a awm a, Civil Sub Division 3, RD Block 3 a awm bawk ani.
Mamit SP Pi Lalthangpuii hnen atanga Security Scenario of Mamit District report in a tarlan dan chuan Police, Excise leh mipuite thawhhona tha tak avangin Mamit District ah buaina lian tham thleng a awm lova. Tunah hian Mamit District Police -ah hian Police personnel 235 awm tur an nih laiin 129 chiah an awm mek a ni a ti.
Attachment
- Loading attachment...
