Vawiin khan DIPRO Conference hall, kolasib ah Lok Sabha inthlan lo awm tur a tana inpuahchahna kal zel ah training neih a ni.

He training hi hlawm li a then niin Pu Laltanpuia Hnamte, Addl DC chuan Model Code of Conduct (MCC) chungchangah zirtirna a pe a, MP election a tan Mizoramah (leh State te deuhah) ah Candidate in Cheng Nuai 70 a seng thei tih tarlan ani a, MCC chu Inthlan hun tur puan a nih atangin hman ngahl tur niin, Public Meeting te, Loud Speaker hman te leh kawng zawh te chu SUVIDHA application hmangin a hun hma darkar 24 a (24 hours prior to programme) dil tur ani a , Loud Speaker chu zing dar 6 atanga zan dar 10 thleng chauh hman theih a nih thu te tarlan bawk niin MCC kaihhnawih thil hrang hrang zirho bawk a ni.

Magistracy, FST leh SST chungchangah Pu Samuel Zodinsanga leh Pu Lalnunzira Ralte ten zirtirna an pe a, Seizure chungchangah kalkhawm police mi te hnenah Addl SP Pu Lalrinpuia Varte chuan an hriat tur thil tul te sawina hun a hmang bawk a ni.

He training ah hian Flying Sqaud Team, Static Surveillance team, Video Viewing Team, Videographers, photographers leh Police mi leh sa te an kalkhawm a ni.