Nimin khan  PHED Mamit District Swachh Bharat Mission(Gramin) hmalakna kalzelah Kawrthah Sub Division huam chhung New  Eden  leh Tumpangluiah CSC din tharna leh Bawlhlawh bawm semna hun hman a ni.

Hemi pual inkhawm hi New Eden Village Council Hall-a neih hi  Pu Darrochhunga  SDO Kawrthah Division kaihruaiah Pi.Laltharzeli.  Ambassador PHED Mamit District, chuan sawrkarin an khawtlang a enkawl danah Lawmna chang hreturin Mipuite  angen a, PHE  dept in tui intur hnianghnar tak a pe che u a,  Ekin a thlawna an saksak te leh In tin tan bawlhhlawh bawm a pek bakah khawlai ahun tur ,  Community Dustbin chhawpchhuah sak an ni chu a lawmawm hle a, a nihna ang tak leh duat taka enkawl chhunzawm turin a ngenin Children Sanitation Club a din nghal bawk a ni.

Pu Peter, Lalmuanzova  Co - ordinator  SBM (G)  Mamit chuan Sorkarin Ekin a saksak chu hmang tangkai turin a chah a, tui hna ti chhe lo zawnga  ram vat tur leh  PHE Department-in kawtkai tui a pump a siamsak te chu khawtlang leh mimal tin te'n fai nan leh hriselnana hmang turin a changtu Department mai bakah Sawrkar pawhin a beisei tih a sawi.

New Eden leh Tumpanglui khaw tana CSC dinna ah hian naupang mai bakah Nu leh Pa thalai kalkhawmte chuan faina kawnga hnathawk tura in tiam tharna leh bawlhlawh bawm semna neih nghal a ni.

Mamit District chhung Swachh Bharat Mission(Gramin) hmalakna hnuaiah hian District chhung Block hrang hrang ah chak taka hmalak chhoh mek zel a ni a. PHE Reiek RD block huam chhung Dapchhuah Dilzawl ah te pawh  CSC hi din ani tawh a. Dapchhuah atanga  km 11 zet Ke-a kal  Dilzawl khuah pawh Swachh Bharat Mission Ambassador  kaihhruaina in CSC din niin faina hnatlang Naupangte neih pui an ni. CSC dinna hmun hrang hrangah pawh bawlhlawh chhar faiin hnatlang neih thin a ni bawk.