Lok Sabha leh South Tuipui Bye-Election inthlan chungchang thlir hovin vawiin khan CEO Pu Lalmalsawma, IAS leh Election mipawimawh Aizawl-ah an thukhawm.
 
 

Vawiina thukhawm hian thil pawimawh hrang hrang zingah Bru raltlante vote neih dan an sawihova, District DEO te hetiang Bru raltlan Tripura Transit Camp a awm mek te vote an neih theih dan leh an neih zat mamawh huna entir theih tura hrilh nise tih an rel a. Mizoram chu Lok Sabha bial khat anih avangin inthlanna a duty leh venhimna hna thawktu zawng zawngte chu Election Duty Certificate pek vek tur anih thu sawilan a ni bawk.

Inbiak pawhna chungchang sawichhuah a ni a. 2008 MLA inthlanah khan darkar hnih dan zela vote tlak dan report tura tih chu inbiak pawhna mumal loh avangin hmun thenkhat atangin dawn a ni lo thin a. Hei hi Election Commission ngaih pawimawh tak anih avangin tumtumah chuan uluk zawka kalpui tur a ni ang a, Polling Party te chu inthlan hma nihnih ah hetiang inbiak pawhna lam enchhinna (trial run) neihpui vek tum a ni. Tuntum inthlanah hian Election Commission thupek angin Electronic Voting Machines hman leh tur a ni a, DEO tinte chu an bialchhung tana EVM an neih zat te, mamawh belh an neih dante hrechiang vek tura hrilh an nih laiin EVM hmandan leh a hnathawh dan zau thei ang bera puangdarh tura hrilh an ni bawk.
 
 

Attachment

  • Loading attachment...