Nizan khan YMA, Kolasib Sub-Headquarters Conference hmasa ber chu Kolasib Diakkawn YMA Hall sak mekah tan a nita a. Kolasib bialtu MLA, Transport Minister nibawk Pu P.C.Zoram Sangliana chuan Conference tanna hun hi a hmanpui.
Conference hawnna hi Pu C.T.Mawia, President, Kolasib Sub-Headquarters, YMA chuan a kaihruai a. Palai inlawmna leh report ngaihthlakna neih a ni a. Pu P.C.Zoram Sangliana chuan thu sawiin, kan Mizo hnam ro leh zia te kan vawn nun that a tul a ni, a ti. Mizoten World Record kan siama, khawvela ber kan nih theih nan Mizo lam Cheraw bu singkhat kan turin hmalak mek a ni, a ti.
Kolasib-a YMA Hall sak mek chu tih changtlun a nih tur thu sawiin, chhawng khat (Floor 1) chu Library atan sak puitlin ngei sawrkarin a tum tih Minister chuan a sawi a. Library sakna tur Zoram pum atana hman tur sawrkar laipuiin cheng nuai 18 a pawmsak tawh tih a sawi bawk.
Pu P.C.Zoram Sangliana chuan, YMA hruaitute chu khawtlang nun siamthat kawnga nasa taka ke pen tura chahin mimal nun atanga bul tan theuh i tum ang u tiin a sawm a. India khua leh tui kan nih chhung chu Hindi thiam tura tan kan lak sauh sauh a ngai a ni, a ti a ni.
YMA Sub-Hqrs., Kolasib hnuaiah hian YMA member 23094, mipa 14137 leh hmeichhia 8957 an awm mek a ni. Conference hi chhunzawm zelin naktuk 6.7.09 zanah khar a ni dawn a ni.
Kolasib-a YMA Hall sak mek chu tih changtlun a nih tur thu sawiin, chhawng khat (Floor 1) chu Library atan sak puitlin ngei sawrkarin a tum tih Minister chuan a sawi a. Library sakna tur Zoram pum atana hman tur sawrkar laipuiin cheng nuai 18 a pawmsak tawh tih a sawi bawk.
Pu P.C.Zoram Sangliana chuan, YMA hruaitute chu khawtlang nun siamthat kawnga nasa taka ke pen tura chahin mimal nun atanga bul tan theuh i tum ang u tiin a sawm a. India khua leh tui kan nih chhung chu Hindi thiam tura tan kan lak sauh sauh a ngai a ni, a ti a ni.
YMA Sub-Hqrs., Kolasib hnuaiah hian YMA member 23094, mipa 14137 leh hmeichhia 8957 an awm mek a ni. Conference hi chhunzawm zelin naktuk 6.7.09 zanah khar a ni dawn a ni.
