Vawiin chawhnu dar 12 : 30 khan DC’s Conference Hall Saiha-ah “Election Model Code of Conduct” chungchang training neih a ni.

He Training hi Pu H.D.Lalpekmawia MCS, Election Officer, Saiha chuan a kaihruai a, District Bawrhsap Pu Alok Swarup, IAS, District Election Officer, Saiha nibawk chuan training hawnna leh kalkhawmte lawmna thu sawiin Election Model Code of Conduct chu India ramah chuan inthlan kan buaipui reng reng in kan dan hman pawimawh ber leh kan innghahhna anih thu a sawi a, he dan hi a pawimawhin bawhchhiat pawh a hlauhawm a ni a ti bawk. Pu John LT Sanga, MCS, Addl DC Saiha leh Pu B.Lalchhawntluanga MCS, SDO(S) Saiha ten training hi an pe a, sawihona leh zawhna leh chhanna hun te pawh hman nghal a ni, he training ah hian Saiha khawpui chhunga Political Party hrang hrang hruaitu te, tlawmngai pawl hrang hrang hruaitute an tel thahnem hle a ni.