Vawiin chawhma dar 11 :00 khan Pu C.Thatkunga MCS, Election Observer leh Secretary L.A.D. ni mek chuan Electoral Roll, Special Sumary Revision neih chung chang ah Saiha-a Political Party hrang hrang hruaitute Deputy Commissioner’s Office Chamber ah meeting a neihpui.

He Meeting hi District Bawrhsap Pu Alok Swarup IAS chuan a kaihruaia, Election Observer chuan thu sawiin Politician te hi sawrkar thuneihna a taka neitu te in ni tiin Electoral Roll Revision neih ah pawh taima tak leh tan la leh zual turin party hruaitute chu a chah a, India khua leh tui kum 18 tling chin tawh phawt chu Electoral Roll ah thun luh ngei ngei tur a ni a ti a, EPIC pawimawh zia sawiin vote nei thei chin tawh phawt chuan EPIC hi kan neih ngei a ngai a ni, a ti bawk. Mipakhat tan vote pakhat neih hi kan Right a ni tiin vote pahnih neih a thianglo a ni, ati a. ERO leh AERO te chu an bial chan theuh ah theih tawp chhuah a tanla lehzual turin a chah a ni.

Pu John L.T. Sanga, Additional D.C. Saiha pawhin Political Party hrang hrang hruaitute chu Electoral Roll a hming thun leh paih chungchang ah theihtawp chhuaha tanla leh zual turin a chah bawk a ni. Electoral Roll Final Publication hi Dt 5.1.2015 ah neih a ni ang. He meeting ah hian D.C Office-a Officer te, Saiha khawpui chhung a Political Party hrang hrang hruaitute bakah chanchinbu mite an tel kim hle a ni.