Mamit District a Constituency pathum 1-Hachhek, 2- Dampa leh 3- Mamit viltu tura ruat Observers te’n an bial chhung an vil uluk hle.

Vawiin dar 11:00 Am khan Pu V. Lalremthanga IAS District, Election Officer, Mamit District, Office Chamber-ah inthlanpui kan neihna tura Mamit District chhunga Sectoral Officer tura ruatte, Static Surveillance Team, Flying Squad, Video Surveillance Team leh Video Viewing Team ten DEO, kaihhruaina-in meeting an nei a tun tum inthlanah dan leh thupek tha taka kenkawh a nih theihna tura hmalak mek te an thlir ho a, he tah hian Pu Rodingliana Chawngthu SP Mamit chuan inbuatsaihna hrang hrang report a pe a ni. He hun hi Mr Syed Ulfat Hussain, IPS Police Observer chuan a hmanpui

Vawiin chawhnu dar 3:00Pm khan DC’s Conference Hall, Mamit-ah Pu V. Lalremthanga IAS, District Election kaihhruaina-in Candidates te leh an aiawh (Agent) te kawmna Observers te, pathum Dr Gautam Talukdar ICAS Expenditure Observer Dr Kamal Preet Singh IAS, General Observer 1- Hachhek A/C leh Mr B.Nijalingappa IFS, 3- Mamit A/C General Observer, ten he hun hi an hmanpui a. Hetah hian inthlannaa senso chungchang leh thil tul hrang hrang inthlanna felfai a awm theihna tura tulte zawhna hun leh sawina hun hman a ni.

Vawiin 11st November 2013 hian Dr Umesh Kumar Singh, IAS Observer 2-Dampa bial viltu chuan West Phaileng Polling Station 2, Dinthar Veng Polling Station 2 bakah Kawnmawi Polling Station te a tlawh.

Mr B. Nijalingappa IFS, Observer hian nimin khan a bialchhung, Suarhliap leh Damdiai te tlawhin Polling Station tura ruatte a hmunah a en a ni.

Nimin Dt 10.11.2013 khan 1-Hachhek bialtu Observer, Dr Kamal Preet Singh, IAS pawhin Kawrthah a Polling Station leh Darlak Polling Station te a hmunah tlawhin ruahmannate a en bawk.