Vawiin khan Aizawl District Election Officer Dr. Franklin Laltinkhuma, IAS kaihhruaiin General Observer-te, Returning Officer/ Asst. Returning Officer-te, Party Candidate/ Election Agent-te leh party aiawh ten I&PR Auditorium-ah inkawmna hun an hmang. DEO chuan meeting hi ECI-in candidate-te inhnuhdawhna ni hnuhnung berah neih ni se ti a ruahmanna a lo siam tawh bawhzuia neih anih thu a sawi a. Meeting chu inthlan lo awm tur a Model Code of Conduct kalpui dan te, pawisa hman dan leh inthlan kaihhnawih a thil tul hrang hrang hriatchian duh awmte zawhfiahna leh inhrilhfiahna hun atan hman a ni.

He meeting-ah hian Observer-te chuan party candidate-te hnenah India ram a inthlan kalphung hi siam danglam leh thil thar belh reng a nih thin avangin inthlan kaihhruaina bu – Handbook for Candidate chu zir chiang turin an chah a. EVM preparation ngaihpawimawh a tul zia tarlangin, ni 16 November, 2013-a EVM Randomization neih turah pawh candidate-te chu kim taka kal turin an chah bawk.

Candidate-ten an dinna constituency-ah thilthleng ngaihmawhawm a an hriat – worry list – an neih te chu Returning Officer emaw Observer-te hnenah emaw an thlen theih thu leh, a tul dan zel a hma an lo lak sak tur thu Observer-te chuan candidate-te chu an hrilh.

Aizawl District chhunga General Observer-te chu:

 

Observer Hming

Constituency

1

Mr. Sinha, IAS                                             

7-Tuivawl

2

Mr. Mayank Warwade, IAS                         

8-Chalfilh

3

Mr. R. Manoj, IFS                                        

9-Tawi

4

Mr. Sandeep Kumar Sultania, IAS

10-Aizawl North I

11-Aizawl North II

13-Aizawl East I

5

Dr. G.Vani Mohan, IAS

12-Aizawl North III

15-Aizawl West I

16-Aizawl West II

6

Mr. Chakravarthi Mohan, IAS                   

20-Aizawl South III

7

Mr. Ramesh Mishra, IAS

14-Aizawl East II

17-Aizawl West III

18-Aizawl South I

19-Aizawl South II