Kumin MLA General Election vil tura Election Commission of India in a ruat Lunglei District Observer-te chuan an bial chan theuha inpuahchahna kal mek ngawrh taka endik mekin RO, ARO leh Sector Officer-te meeting an neih pui bakah Polling Station hrang hrang an tlawh kual mek a ni. Polling Station an tlawh ah te hian ECI bituk angin Assured Minimum Facilities (AMF) - electric connection, inthiarna thianghlim, ramp, inbiakpawhna (mobile connectivity), a panna kawng (connectivity)-te a awm tha em tih te an enfiah a ni . Booth Level Officer (BLO) te pawh kawmin inthlanna muanawm leh felfai tak neih theihna turin ruahmanna an siam pui. 

10/11/2018 (Inrinni) khan EVM leh VVPAT dah thatna hmun leh vote chhiarna hmun tura ruat Saikuti Hall chu District official-te nen an endik hnu ah General Observer Mr NS Prasanna Kumar, IAS chuan Hnahthial khua leh a chhehvel a tlawh nghal a. General Observer dang Mr Chakravarthi Mohan, IAS pawhin a bial chan 34-Thorang leh 35-West Tuipui tlawh turin tukin zing khan Tlabung panin a zin chhuak a. 31-Lunglei East leh 33-Lunglei South viltu General Observer Mr Armstrong Pamei pawhin a bial chhunga Polling Station te a tlawh kual mek bawk.

Police Observer Mr Sangakal Veeresh Prabhu, IPS chuan nimin (12/11/2018) khan Lunglei SP Conference Hall-ah Lunglei District police hotute ko khawmin election hmachhawn tura an inpuahchahna te a sawipui. Boruak muanawm tak hnuaia election zawhfel a nih theih nan an theihtawp chhuah theuh tur leh fimkhur taka dan leh thupek kengkawh turin a fuih a ni. 

Inpuahchahna hrang hrang a hmuna enfiah turin Police Observer pawh hi vawiin atang khan a zin chhuak a n