Vawiin chawhma dar 11:30 khan DC’s Conference Hall, Mamit-ah Mamit District chhunga Election Supervisors leh Booth Level Officers (BLO) te tan training buatsaih a ni a. He hun hi Pu V. Lalremthanga, DC Mamit District Election Officer ni bawkin a hmanpui.
He training Pu V.L. Remliana, Election Officer Mamit kaihhruaiah hian Pu V. Lalremthanga, DEO, chuan Election ah chuan mahni (mimal) hnathawh lai chhuanlama thawh that loh ngawt a thiang lova, kan hnathawh tur reng reng Election in min tih te a rang thei ang bera thawk turin Supervisors leh Booth Level Officers (BLO) te chu a sawm a, chu bakah rinawm tak leh taima taka thawk turin kalkhawmte chu a chah bawk.
Training ah hian Election Commission of India in Format ‘A’ leh ‘B’ a rawn siam angin BLO ten House to House campaign neih tur a ni a, In tinah lutin voters leh non-voters te hming, kum, Phone No. leh an particulars kimchangin an ziak chhuak vek tawh dawn a, Photo Electoral Roll, 2012 a voters a thlalak la chuang lo te thlalawk khawnkhawm hna an thawh nghal a tul dawn a ni.
Training hi Pu V.L. Remliana, Election Officer in a pe a ni.
He hunah hian District chhung atangin Election Supervisors leh Booth Level Officer te an tel tha hle a ni.
