Vawiin khan Election Department, Mizoram chuan State Guest House, Chaltlang Lily Veng, Aizawl ah September thla atanga neih tur Electors Verification Programme (EVP) chungchang training an buatsaih.

Training hi Jt.CEO Pu FJ Liantluanga'n hawngin, State Level Master Trainer pahnih Pu Malsawmzuala, Asst. CEO leh Pi H. Vanlalruatfeli ten District 8 atanga Election Officer te leh District Level Master Trainer te training an pe a ni. EVP hi electoral roll felfai zawk neihna tura Election Commission of India hmalakna a ni a, EVP hmalakna ah hian electoral roll a voter chuang zawng zawng te chuan an nihna ti chiang turin documentary proof pakhat - Aadhar Card, Driving Licence, PAN Card emaw sawrkar document pawimawh dang pakhat emaw chu an khua a Common Service Centre emaw anmahni bialtu Booth Level Officer emaw kaltlangin an thehlut tur a ni a, hei bakah hian mahni in "www.nvsp.in" ah emaw Voter Helpline number "1950" emaw atangin a tih theih bawk. EVP hi Special  Summary Revision of Electoral Roll, 2020 in a chhunzawm ang.