Vawiin January 15, 2013 hian Aizawl Bawrhsap Office-ah kum 2013 atana hman tur Electoral Roll siam thar chu tlangzarh a ni. He hunah hian Party tin aiawh te, Chanchinbu mi leh Official pawimawhte an kal khawm a ni. He Electoral Roll siam tharah hian Aizawl District bak chauh enho a ni a; Mizoram pumpui Electoral Roll chu Joint Chief Election Officer Office-ah en theih a ni a, an website-ah en vek theih a ni bawk. Nikum aiin Aizawl District-ah Elector 12947-in an pung a ni.

Election Commission of India thu angina Electoral Rolls te hi recognized National leh State Political Party te hnenah a thlawnin sem an ni a; mi mala nei duh chuan Soft copy Rs 100, leh hard copy phek khat Rs 5 zelin lei theih tura ruahman a ni. Heng hi District Election Office-ah ngaihven theih a ni ang.

Aizawl District-ah hian Assembly Constituency 14 a awm a; voter zawng zawng chu mi 256467 an awm a, mipa 122976, hmeichhia 133491 an awm a; mipa aia hmeichhe tamna chu 10515 a ni.

Hming paih tamna ber- Aizawl East II (ST) a ni a, mi 544 paih a ni. Hming paih tlemna ber chu Tawi (ST) a ni a, mi 213 paih a ni.

Elector tamna ber 12/1 Edenthar- 1654, tlemna ber 9/1 Tuikhurhlu-106 a ni.

Aizawl Distric Constituency 14-ah Polling Station 293 a awm a, EPIC zaa za (100%) in an nei a ni.